యవ్వనం The Sensational Magazine

సాధారణంగా మనిషి జీవితంలో మూడు దశలు ఉంటాయి. బాల్యం, యవ్వనం, వృద్ధాప్యం.
బాల్య దశ
ప్రతి విషయంలో తల్లిదండ్రులపై ఆధారపడే, తల్లిదండ్రుల పర్యవేక్షణలో పెరిగే దశ. ఏది అర్ధం చేసుకోలేని మానసిక పరిపక్వత లేని దశ.

వృద్ధాప్య దశ
శరీరంలో శక్తి సత్తువ, జ్ఞాపకశక్తి వంటివి సన్నగిల్లిపోతాయి. మనిషి బలహీనుడైపోతాడు. ఈ దశలో కూడా మనిషి ఎవరో ఒకరిమీద ఆధారపడతాడు. అందుకే వృద్ధాప్యాన్ని మరో బాల్యం అంటారు.

యవ్వనం
ఇక యవ్వన దశ విషయానికి వస్తే మానసిక పరిపక్వతతో పాటు శక్తి సామర్ద్య౦, ఎక్కువ సమయం కష్టించి పనిచేసేతత్వం మొండుగా ఉంటాయి. ఇంకా ఈ దశలో పరిపరివిధాల ఆలోచనలు పుట్టుకొస్తాయి. ప్రపంచపు రంగురంగులు మనస్సును ఆకర్షిస్తాయి, అలరిస్తాయి, ఆదమరిపిస్తాయి.
యవ్వనం ఎంతో మధురమైనది, ఎంతో విలువైనది. కానీ, అంతకంటే ప్రమాదకరమైనది. నేటి యువత యువత జీవితలపై ఓసారి నిఘాసారీస్తే వాస్తవం ఇట్టే బోధపడుతుంది. ప్రాపంచిక విషపు కోరల్లో ఎంత లోతుల్లో కూరుకున్నారో, ఎటువంటి వాటికి బానిసలయ్యారో స్పష్టంగా అర్ధమవుతుంది.
యవ్వనంలోనే మేలుకొని మసలుకుంటే భవిష్యత్తును అందంగా మలుచుకోవచ్చు. ఈ దశే భవిష్యత్తును నిర్దేశిస్తుంది. ఆదమరిచి పాశ్చాత్య పోకడలకు అలవాటుపడితే భవిష్యత్తు అంధకారమే.
దేశ భవిష్యత్తు యువత చేతిలోనే ఉంది అనడంలో అతిశయోక్తి లేదు. యువతే దేశానికి వెన్నుముక. కాని నేడు యువత జీవితం గమ్యం తెలియని నావలా ఉంది. అంధకారపు అగాధపు లోతుల్లో కూరుకుపోయి ఉంది. వారిని పెడమార్గంలో పెట్టడానికి పాశ్చాత్య సంస్కృతి పోకడలు కంకణం కట్టుకున్నాయి. దీనికి ప్రభుత్వ స్వార్ధం తోడైంది. ఎక్కువ ఆదాయం పొందలనే ప్రభుత్వ పేరాశ వల్ల లెక్క లేనన్ని మద్యం దుకాణాలు ఉనికిలోకి వచ్చాయి. మొత్తం సమాజాన్ని మత్తులో ముంచి మృత్యువు ఒడికి చేర్చడానికి పోటీపడుతున్నాయి. అంతటితో సారి పెట్టుకుంటే సంతోషించేవారమే కానీ క్లబ్ లు, పబ్ లు నగరాలలో, పట్టణాలలో కోకొల్లలుగా పుట్టగొడుగుల్లా వెలుస్తున్నాయి. దీనికితోడు మాదకద్రవ్యాలు. విచ్చలవిడి సరదాల్లో మాదకద్రవ్యాల బారినపడి కొట్టుమిట్టాడుతున్న కేసులు అనేకం. దీన్ని అదునుగా చేసుకుని డ్రగ్ మాఫియాలే నడుస్తున్నాయి. ఇటీవల హైదారాబాద్ లో వెలుగులోకి వచ్చిన డ్రగ్ రాకెట్ ఇందుకు ఉదాహరణ.

వీటన్నిటి బారిన పడేది నవ యవ్వనంలో ఉన్న యువతదే పైచేయి అనడంలో ఆశ్చర్యం లేదు. కొన్ని స్వచ్చంద సంస్థల సర్వే ల ప్రకారం పబ్ లలో దుమ్మురేగ్గోడుతున్న వాళ్లలో ౨౫ సంవత్సరాలలోపు వారు 80 శాతం, పద్దెనిమిది సంవత్సరాలలోపు 34 శాతం, అంటే 80 శాతం మంది యవ్వనం క్లబ్ లో, పబ్ లలోనే గడిచిపోతుంది. ఎన్నో సాధించే సామర్ధ్యం కలిగిన యవ్వనం మత్తుపదార్ధాల నిషలో, సిగరెట్ల పోగలతోనే గడిచిపోతుంది.

ఇక చట్టం విషయానికి వస్తే ఇరవై ఒక్క సంవత్సరాలు నిండనివాళ్లకు మద్యం అమ్మితే పదివేల జరిమానా విధించబడుతుంది. పాతికేళ్లు నిండనిదే పబ్ కెళ్లే అర్హతలేదని చట్టం స్పష్టం చేసింది. కానీ విచారకర విషయం ఏమిటంటే, 80 శాతం మంది 25 సంవత్సరాలలో వారే పబ్ లలో దుమ్ము రెగ్గోడుతున్నారు. మరి ఈ చట్టలన్నీ ఏం చేస్తున్నట్లు అంటే పచ్చ నోట్ల మత్తులో నిద్రలోకి జరుకుంటున్నాయి. ఇంకా మన ప్రభుత్వాల చల్లని అభయహస్తం వాటి పై ఉన్నంత కాలం మద్యం దుకాణాలు, పబ్, క్లబ్ లు యువత జీవితలను అంధకారంలో నేడుతూ వారిని పెదమార్గం పట్టించడానికి ముడుపువ్వులు ఆరు కాయలు గా వర్ధిల్లుతూనే ఉంటాయి.దైవప్రవక్త [స] ఇలా ప్రవచించారు ''ప్రళయ దినంనాడు ఈ విషయాలను గురించి ప్రశ్నించకుండా దేవుని న్యాయస్థానం నుండి ఏ ఒక్కడూ అడుగు కూడా కదపలేడు.

1] తాను, తన వయస్సును ఏ ఏ కార్యాలలో మళ్లించాడు?
2] [తనకు లభించిన] ధార్మిక జ్ఞానంపై ఎంతవరకు అనుసరించాడు?
3] ఏ ఏ మార్గాల్లో ద్వారా సంపాదించాడు?
4] దాన్ని ఏ ఏ మార్గాల్లో ఖర్చు పెట్టాడు?
5] తన శరీరాన్ని [యవనాన్ని] ఏయే కార్యకలాపాల్లో గడిపావు? [తిర్మజి]

దైవం తన న్యాయస్థానంలో ఈ ఐదు ప్రశ్నలను ప్రశ్నించకుండా ఏ ఒక్కడు ఒక్క అడుగు కూడా కదపలేడు. కానీ విచారకర విషయమేమిటంటే, నేడు మనిషి తన జీవతాన్ని నిర్లక్ష్యానికే గురిచేస్తున్నాడు. అక్రమ మార్గంలో సంపాదిస్తున్నాడు. అనైతిక మార్గంలో ఖర్చుపెడుతున్నాడు. అనైతిక కార్యక్రమాలలోనే తన యవ్వనాన్ని కృశింపజేస్తాడు.

ఇప్పటికైనా మన యువత మేల్కోంటే తమ జీవితలను సంస్కరించుకుంటేఇటు సమాజ సంస్కరణ జరగడమేకాదు పరలోకంలో దేవుని సమక్షంలో ఉన్నతమైన స్థానం లభిస్తుంది. దైవప్రవక్త [స] ఇలా తెలిపారు.

''అల్లాహ్ ప్రళయం రోజున ఏడు రకాల మనుషుల్ని తన నీడన ఆశ్రయమిస్తాడు. ఆరోజున ఆయన నీడ తప్ప మరే నీడాకానరాదు. వారిలో...
1] న్యాయమూర్తి అయిన పాలకుడు
2] తన యవ్వనమంతా అల్లాహ్ ఆరాధనలో గడిపిన యువకడు
3] ఏకాంతంలో ఉన్నప్పుడు అల్లాహ్ గుర్తుకురాగానే అతని కాళ్ళ నుండి ఆశ్రువులూ జలజలా కరీనా వ్యక్తి.
4] తన మస్సునంతా మసీద్ లోనే లగ్నం చేసినవాడు.
5] దైవప్రసన్నత కోసమే పరస్పరం ఆత్మీయతను ఏర్పరచుకునే ఇద్దరు.
6] ఉన్నత కుటుంబానికి చెందిన ఓ అతి సౌందర్యవతి అయిన స్త్రీ కామవాంఛను తీర్చిమని అడిగితే నేను అల్లాహ్ కు భయపడుతున్నానని చెప్పి నిరాకరించేవాడు.
7] అల్లాహ్ మార్గంలో దానం చేసేటప్పుడు కుడిచేయి చేసిన దానం ఎడమ చేతికి కూడా తెలియకుండా అతిగోప్యంగా చేసేవాడు. [బుఖారి,ముస్లిం]
పై రెండు హదీసుల అనుగుణంగా తమ జీవితల్ని మలచుకునే సద్భుద్దిని దైవం మనకి ప్రసాదించుగాక [ఆమీన్]

యవ్వనం

0 Response to "యవ్వనం"

Followers

Labels

FB Follow

Supporters

Follow by Email