చిరునవ్వే మనిషి వ్యక్తిత్వానికి పెద్ద ఆభరణం. The Sensational Magazine

చిరునవ్వే మనిషి వ్యక్తిత్వానికి పెద్ద ఆభరణం.

Posted by Sakshyam Magazine on Tuesday, September 1, 2015

మనిషి హావభావాలు, ఆలోచనలు అతని వ్యక్తిత్వాన్ని వ్యక్తపరుస్తాయి. మీ ముఖాన్ని చూసి మీ స్వభావం, గుణగనాలను ప్రతి వ్యక్తి అంచనా వేయగలడు. మీరు ఒకవేళ ఎవరితోనైనా కలిసేటప్పుడు నవ్వుతూ, సంతోషంగా పలకరించినట్లయితే వారు కూడా మీతో అలాగే వ్యవహరిస్తారు. మీ చిరునవ్వు, దరహాసం ఎదుటి వారి హృదయాన్ని జయిస్తుంది.వారూ మిమ్మల్ని చిరునవ్వుతో పలకరిస్తారు. కానీ, మీ ముఖం ఏడుపు ముఖంగా లేదా కోపంతో ఎర్రబారిపోయి ఉంటే ఎవరూ మీ దరి చేరరు.
హృదయం నుండి పగ, వైరంను తొలగించినట్లయితే, దేవుని దయ వలన ప్రతిఒక్కరూ మిమ్మల్ని అభిమానిస్తారు. అందరి హృదయాల్లో స్థానం పొందుతారు.
ఎత్తిచూపటం, లోపాలు వెతకడం వంటి అలవాట్లను వదిలేయండి. ఒకవేళ ఎవరిలోనైనా లోపం కనిపిస్తే దానిని కప్పిపెట్టండి. వారి మంచిని నలుగురికీ తెలపండి. అప్పుడు వారు మిమ్మల్ని ఎంతగానో ఆదరించి, అభిమానిస్తారు. తద్వారా మీ స్నేహం పెరుగుతుంది. సమాజంలో మంచి పేరు వస్తుంది.
ఆపదలు, కష్టాలు కలిగినప్పుడు కూడా ముఖాన్ని దు:ఖం, శోకముగా ఉంచకండి. ఏడ్పు ముఖాన్ని ఎవరూ ఇష్టపడరు. కొండరయితే మీరు అలా దు:ఖంతో ఉండటాన్ని చూసి సంతోషంతో చిందులు వేస్తారు. గుర్తుంచుకోండి! ప్రతి వస్తువుకు దాని భావనే మంచి లేదా చెడుగా చేసి వేస్తుంది. జ్ఞాని ఒకడు ఇలా తెలిపాడు. మీరు ఇంటినుండి బయటికి వెళితే పెదాలపై దరహాసం ఉంచండి. స్నేహితులను చిరునవ్వుతో పలకరించండి. మీరూ సంతోషంగా ఉండండి. ఇతరులను సంతోషంగా ఉంచే విధంగా మసలుకోండి.
చిరునవ్వు కోసం ఎలాంటి మూల్యం చెల్లించాల్సిన అవసరం లేదు. అయితే దీని వల్ల అనేక లాభాలు చేకూరుతాయి.

చిరునవ్వును పొందేవాడు ధన్యుడు. నవ్వును పంచేవాడు ఎప్పటికీ దరిద్రుడు కాలేడు.
నవ్వకుండా బ్రతికి ఉన్న వ్యక్తి, బ్రతికి ఉన్నట్లు కాదు. అతడు మృతునితో సమానం.
చిరునవ్వు సమాజానికి సంతోషాన్ని ఇస్తుంది. స్నేహాన్ని పెంచుతుంది.
భార్యాభర్తల్లో ఏదయినా గొడవ తలెత్తితే, చిరునవ్వు తరంగం దానిని అంతమొందిస్తుంది.
చిరునవ్వుతో లాభం పొందలేనివాడే అసమర్ధుడు.
మీరు దుకాణదారులు లేదా సేల్స్ మెన్ అయినట్లయితే, చిరునవ్వు మీ వ్యాపారాన్ని రెండింతలు చేస్తుంది.
మీరు అందరితో గౌరవాన్ని పొందాలనుకుంటే, పెదాలపై ఎప్పుడూ చిరునవ్వు కలిగి ఉండండి.

చిరునవ్వే మనిషి వ్యక్తిత్వానికి పెద్ద ఆభరణం.

0 Response to "చిరునవ్వే మనిషి వ్యక్తిత్వానికి పెద్ద ఆభరణం."

Followers

Labels

FB Follow

Supporters

Follow by Email